[NEWS] 【韓流】《花樣爺爺》拍到希臘素顏崔智友可愛爆燈 @ CJWFC

2015.02.25 HK 蘋果日報

韓國唔少綜藝節目都好受歡迎，好似已經拍到第三季嘅《花樣爺爺》咁，早前四位爺爺李順載、申久、朴根亨同白一燮已經夥拍男星李瑞鎮出發去希臘，今次佢哋仲得到女將崔智友驚喜嘉盟，真係令到觀眾超級期待。

今次佢哋會展開為期十日九夜嘅拍攝旅程，所以行程都好緊湊，佢哋今個月15號晚出發，估計差唔多就完成旅程返韓國，雖然成個旅程就快結束，而劇組亦於前日發佈咗四位爺爺喺樹下休息嘅照片，只見四位爺爺都似乎拍到好攰，所以佢哋都唔介意就咁坐喺樹下，四位老人家咁樣排排坐，感覺都幾溫馨。

而友姐喺拍攝時亦都全情投入，亦唔介意以超樸素look見人，有網友仲發現佢嘅蹤影，將佢嘅照片放上網，素顏示人嘅友姐依然靚過人，戴咗有框眼鏡嘅佢仲好似個大學生一樣，迷茫搵緊路時，仲不自覺做出咬手小動作，真係好可愛。