CJWFC

2015.03.19 / HK 蘋果日報




韓國大熱綜藝能節目《無限挑戰》一役喺韓國都好受歡迎，就連內地都會喺十月推出內地版《無限挑戰》，今日內地版仲舉行發佈會，雖然韓國「國民MC」劉在錫就冇現身撐場，但係佢都有錄定片段支持內地版，認真唔話得。

至於韓國版《無限挑戰》方面，現時佢哋正為第六名主持Sixth Man而頭痕緊，由於去年盧洪哲因為醉駕而離開節目，而節目組一直都想搵個新主持補返個空缺，據知節目嘅主持早前已經秘密接頭第六個主持候補人，當中人選仲有唔少，包括了張東民、光熙、朱相昱等，而日前播出嘅預告中，仲可以見到候補人員仲包括了李瑞鎮、金基石、模特洪真京、歌手朴振英、崔始源、李起光、Henry等，搞到觀眾都好期待。

另外，同樣受歡迎嘅綜藝節目《花樣爺爺─希臘篇》就公開咗最新海報，由於第三季佢哋移師去希臘拍攝，所以四位爺爺連同李瑞鎮和崔智友就喺海報中以希臘神話嘅人物現身，網民都大讚頭戴皇冠嘅崔智友非常有女神優雅高貴嘅風範。

韓國方面正物色第六位主持人     

劉在錫錄定視頻撐內地版《無限挑戰》     

內地版《無限挑戰》今日舉行發佈會

盧洪哲去年因為醉駕而離開節目     

李瑞鎮被視第六位主持人嘅熱門人選     

Henry同樣被看好

《花樣爺爺》第三季有新海報推出