2015年05月14日 HK 蘋果日報
韓國tvN綜藝節目《一日三餐》一向好受歡迎,特別係之前嗰輯漁村篇,因為有車勝元助陣令到收視破晒紀錄。
而身為《一日三餐》嘅導演羅永錫噚日就喺首爾麻浦區上岩洞DMS大廈內舉行咗記者見面會,由於新一輯嘅《一日三餐》將於明日首播,到時仲會對撼金秀賢嘅《製作人》,所以節目組都不容有失,羅永錫導演聯同其他導演以及工作人員等都有到場。
羅永錫導演提到之前崔智友喺另一個節目《花樣爺爺─希臘篇》中提到自己同宋慧喬和金泰希都老友鬼鬼,羅永錫就透露自己本身同宋慧喬和金泰希都唔熟,如果要請佢哋嚟做嘉賓都一定要靠崔智友。
由於之前崔智友喺《花樣爺爺》中同李瑞鎮大玩曖昧,兩人仲傳出緋聞,唔知羅永錫導演係唔係玩爆料,暗示可靠李瑞鎮游說崔友姐,好讓三大韓國阿姐崔智友、宋慧喬同埋金泰希現身節目,羅永錫喺現場話:「我覺得崔智友現在同製作組以及李瑞鎮都變成一家人。如果時間上可以嘅話,都有可能突然邀請佢哋嚟。個人認為可能會出現突發嘅情況,崔智友都講過,有充分嘅可能性,同朋友一齊嚟玩。」
崔智友喺節目自爆同金泰希和宋慧喬好老友,令身旁嘅李瑞鎮望塵莫及
崔智友
金泰希
宋慧喬
全站熱搜
留言列表