2015.07.23 HK 蘋果日報
崔智友同李瑞鎮真係好鬼合拍
崔智友喺節目中不時流露真性情嘅一面
韓國tvN大熱綜藝節目《一日三餐》喺韓國好受歡迎，好多女星都唔介意上節目耕田做家務，一來可以畀觀眾睇到自己簡樸嘅一面，二來節目咁受歡迎亦都帶挈佢哋嘅人氣。
不過對於《一日三餐》嘅粉絲來說佢哋就最鍾意崔智友上節目，主要原因為因為友姐同主持李瑞鎮真係好鬼合拍，加上佢哋之前喺另一綜藝《花樣爺爺》中，因為大玩曖昧而傳出緋聞，不少粉絲都視佢哋為一對，亦想佢哋能開花結果，就連《一日三餐》個官方facebook都想撮合佢哋，除咗上載佢哋嘅花絮照外，仲寫道：「可以讓李瑞鎮做事嘅智友回歸，展現夫婦面貌。」只見照片中友姐同李瑞鎮好似夫妻一樣咁忙緊農活，兩人表現親暱同合拍，話佢哋冇嘢真係幾難令人相信囉，所以粉絲都起哄追問話佢哋到底係唔係拍拖，又留言話：「聞到一股不尋常嘅味道」，可見佢哋呢一對幾受觀眾睇好。
全站熱搜
留言列表
Choi Ji-woo - 崔智友 (9)