CJWFC

2015-08-01  來源：趣明星 | 編輯：斌哥

一提友姐，你睇李瑞鎮笑到 韓劇《誘惑》女星崔智友自從今年年頭同男星李瑞鎮合作節目《花樣爺爺》之後，兩個人嘅緋聞就傳到o依家都未傳完。 而早前友...

一提友姐，你睇李瑞鎮笑到

韓劇《誘惑》女星崔智友自從今年年頭同男星李瑞鎮合作節目《花樣爺爺》之後，兩個人嘅緋聞就傳到o依家都未傳完。
而早前友姐更驚喜現身李瑞鎮o依家主持緊嘅節目《一日三餐》，兩個人仲不停喺鏡頭前耍花槍，令觀眾都懷疑佢兩個偷偷玩地下情。

㖊日播出一集嘅《一日三餐》入面，雖然友姐冇現身，不過李瑞鎮就似乎對「愛人」難以忘懷，仲一提友姐即笑笑口。
話說喺節目上面，另一主持人玉澤演就大讚友姐整嘅泡菜好好食，李瑞鎮聽到之後即刻問導演：「佢今日唔嚟喇？ 」之後導演即時抽水，叫佢兩個結婚，李瑞鎮聽到之後即刻甜笑，仲話：「如果結咗婚嘅話就唔會再帶佢嚟，大家會想分開一下。 」似系暗示結咗婚之後想私有化友姐。

李瑞鎮同友姐嘅「愛情發展」一次sweet過一次之外，節目嘅收視同樣一集好過一集，據知喺㖊日播出一集就錄得10.8%，連連續12個星期成為同檔第一。