CJWFC

2015年08月30日 HK 蘋果日報

最近喺有線台成為收視冠軍嘅電視劇《第二個二十歲》，崔智友喺套劇入面扮大學生，睇起上嚟一啲違和感都無，真係keep得好好！不過原來一代女神竟然對自己素顏無自信，點解啊？

昨 日(29日)播出嘅《演藝家中介》就請嚟崔智友做訪問。喺「快問快答OX」嘅環節入面，主持人問崔智友，依家對自己嘅素顏仲有無信心。估唔到靚足咁年嘅崔 智友竟然舉起X嘅牌，佢仲好坦白咁話「年輕的時候、20多歲的時候曾經對素顏有自信，現在的話隨便一瞥也還好，但仔細看就會看到很多皺紋。」原來女神都怕 老！

一直單身咗好多年嘅崔智友被問到依家會唔會想拍拖，佢真係毫不猶豫咁舉咗「O」，睇落有啲心急喎。主持人再問崔智友，同佢結婚嘅男人 算唔算幸運兒，崔智友亦都極速舉起「O」。問到係咪因為崔智友好叻煮嘢食，佢就話:「未至於這個程度。」但一問到係咪因為崔智友副身家，佢就好爽快咁承 認。又啱喎，今年40歲的友姐入行啱啱20年又紅足咁多年，真係賺埋唔少，而且又keep到個靚樣，絕對稱得上係「黃金剩女」，邊個娶着佢都真係執到寶 啦！

喺《第二個二十歲》入面扮大學生，就咁睇相話崔智友得20幾歲都肯定有人信。     

賺賺埋埋咁多，崔智友話娶到佢嘅男人絕對係幸運兒。

係女人都鍾意俾人讚，聽到主持話自己係佢見過真人最靚嘅artist，崔智友開心到對住鏡頭擺V。     

03年同權相佑合演劇集《天國的階梯》將崔智友的事業推向高峰。     

早前同李瑞鎮出演綜藝《花樣爺爺》傳出緋聞，可惜都係冇下文。

[VOD]