友姐同李尚允喺今日播出嘅一集會進行野餐約會


2015年10月16日 HK 蘋果日報
    

由崔智友、李尚允主演嘅tvN新劇《第二個二十歲》今晚將會播出第15集,聽晚更會迎來大結局,真係令人好期待。

喺上周一集尾聲時,李尚允同友姐告白,事實上友姐都對李尚允有感覺,只係礙於自己離咗婚又有個仔,加上未試過真正戀愛,所以友姐即時退縮,李尚允了解友姐嘅心意,就問佢:「你話唔鍾意我,咁就證明畀我睇」,於是就藉口同友姐進行各種約會,話要試探友姐。

而劇組公開15集預告片段中,友姐就同李尚允進行各式各樣嘅約會,兩人先去野餐,又一齊趴喺草地上睇書,李尚允刻意挨近友姐話:「一齊睇吧。」當佢哋返到去友姐屋企樓下時,佢哋就遇到友姐嘅兒子金旻載,李尚允見到金旻載時就大方介紹自己。

另外,劇組嘅官方Facebook亦都公開咗李尚允嘅花絮照,只見李尚允化身做暖男,一人包辦所有食物,溫暖貼心一面令觀眾睇到好窩心。

 



李尚允化身做暖男親自下廚     

 

喺上周一集嘅尾聲,李尚允同友姐表白

 

嘩嘩嘩,好近


友姐對李尚允都開始有感覺     

到底佢哋會唔會一齊呢?

arrow
arrow
    全站熱搜

    CJWFC 發表在 痞客邦 留言(0) 人氣()