[NEWS] 【韓流】70萬網民嚴選明年十大期待韓片《檢察官外傳》 @ CJWFC

2015年12月30日 HK 蘋果日報

仲有唔夠24小時就踏入2016年，今年韓國影壇好旺場，唔少韓片都得到好好嘅票房，絕對冇受荷李活嘅勁片影響，而明年都會有唔少韓國電影出籠，而Dingo Movie就喺佢哋嘅Facebook頁面公開咗由70萬名讀者投票選出嚟「2016年最期待上映電影Top 10」結果。

當中投票結果顯示，網民明年最期待嘅電影嘅No 1係由黃政民同姜棟元主演嘅《檢察官外傳》，第二名係孔侑、馬東錫主演嘅《釜山行》，第三名係志洙、EXO嘅Suho、柳俊烈主演電影《Glory Day》、第四至第十位分別係姜棟元嘅《被遮住的時間》、趙震雄、金大明嘅《解凍》、河正宇、金敏喜嘅《小姐》、孫藝珍嘅《德惠翁主》、鄭雨盛、黃政民嘅《阿修羅》、柳承龍、張東健主演嘅《七年之夜》，以及EXO成員D.O、金所泫主演嘅《純情》。

另外，由劉亞仁、李美妍、崔智友、金柱赫等主演嘅新片《Like for Likes》，將於明年2月上映，呢部電影集合唔少人氣演員，當中電影會講三對情侶通過SNS嚟分享日常及愛情嘅故事。李美妍飾演性格挑剔嘅電視劇作家京雅，將會同劉亞仁飾演嘅韓流明星振宇上演對手戲，友姐同金柱赫就會變身空姐朱蘭同主廚成燦，而姜河那同李絮就分別飾演天才作曲家秀浩同埋電視劇導演娜妍。

《檢察官外傳》