CJWFC

2016.01.31 HK 蘋果日報

現年40歲嘅崔智友早前突襲新村街頭為韓國KBS電視台錄製節目《演藝家中介》，為佢有份主演嘅電影《Like for Likes》宣傳造勢。

近日，崔智友突然現身新村，條路瞬間逼爆，可見佢人氣依然咁高。雖然同唔到崔智友影相，但個個都拎哂手機出嚟爭住近距離影下呢位氣質美女。崔智友身穿時尚服飾示人，沿途不停對住眾人笑笑口，展現出親民嘅一面。而佢穿上短褸、修身長褲，更特顯其修長嘅身形，令周圍年輕嘅女性都羨慕不已。

韓國時間今晚9點15分會播出崔智友突襲新村街頭嘅訪問，同時又會公開電影《Like for Likes》嘅拍攝花絮。

另外，崔智友事隔7年回歸大銀幕嘅《Like for Likes》係講現時人們溝通渠道都係靠SNS(Social Network Software)，即係各種社交網絡嘅軟件，劇中人物喺網上互相點讚嘅男女，喺現實生活中同樣陷入愛情嘅故事，而崔智友於戲中飾演一名成日都被人欺侮嘅老處女，電影將於下月18號上映。

崔智友突襲街頭拍攝節目     

有網民喺ig曬命話見到崔智友     

崔智友早前出席電影發佈會