《放閃男女》劇組喺噚日透過新版海報向大家拜年。
2016.02.09 HK 蘋果日報
韓劇女星崔智友現年已經40歲，但感情依然未有着落，應該唔少粉絲都希望佢快啲搵到自己嘅Mr. Right。而喺早前友姐接受訪問時就坦言公開咗自己嘅心態，表示自然就好，唔鍾意太刻意去結識異性。
友姐仲透露話自己幾乎未試過經朋友或者熟人去識男朋友，因為好似太刻意咁。友姐又認為一對男女透過其他途徑而自然認識嘅話，經過時間交流會發現對方嘅魅力。
除此之外，友姐仲喺訪問中表示自己唔會刻意理會惡評，雖然有時會突然諗起，但好快就會忘記，意外表現出內心強韌嘅一面。友姐又補充：「經過咁長時間嘅影視生涯，自己都學到好多野。知道幾時應該要放低，識得判斷有咩係對自己好或者對自己唔好。」
另外，友姐有份主演嘅電影《放閃男女》將於17號於韓國上映，由於係農曆新年期間，劇組都喺噚日透過新版海報向大家拜年。
全站熱搜
留言列表
Choi Ji-woo - 崔智友 (9)