CJWFC

韓國tvN人氣綜藝節目《一日三餐》自從前年開始播出後，一直都深受觀眾歡迎，收視亦都爆晒燈。

2016.05.19 HK 蘋果日報

特別係去年由韓劇《最佳愛情》男星車勝元出演嘅漁村篇，更令收視創新高。而唔少粉絲都好想再睇新一輯嘅《一日三餐》，今日相關人士透露將會推出全新一季嘅《一日三餐》，至於喺邊到拍攝以及具體內容就仍在商議中。

據知tvN已確定製作全新一季嘅《一日三餐》，但該季節目仍處於企劃階段，具體嘅播出時間、拍攝地點以及內容等仍在商議中。而節目嘅王牌監製羅䁐錫今日亦都確定消息，佢話：「導演組已經得知製作《一日三餐》嘅消息，但正如之前電視台所講一樣，節目正處於企劃階段，暫時未付諸實踐，而本季《一時三餐》嘅總導演就由李珍珠擔任。」

唔少網民得知呢個消息後，都好鬼興奮，仲紛紛留言：「希望澤演能夠回歸」、「難道要換嘉賓嗎？」、「還是希望李瑞鎮同澤演這一對」、「希望原班人馬，朴信惠同崔智友要是能做就好」、「最好由車大叔演出」等留言。

另外，澤演噚日現身「2016職業棒球聯賽」活動，並作為開球嘅嘉賓。

車勝元出演嘅一輯收視爆晒燈     

李瑞鎮(左)同澤演被觀眾視為黃金拍檔     

澤演噚日做開球嘉賓

幾有型