2017-06-16 HK 蘋果日報

劇迷追睇韓劇除咗個故仔吸引外,多數都會因應邊位做男女主角而睇劇,有時嫌男主角唔夠靚仔,女主角唔夠靚,可能就會放棄追劇。

而近日韓國三大電視台播出嘅劇集中,就有趨勢顯示女主角嘅年齡越來越來年齡,之前韓劇搵大牌女主角孭飛,好似住全智賢、宋慧喬、崔智友、金惠秀、李英愛、高賢貞等,佢哋全部都年過30,有啲甚至年過40,佢哋因為喺亞洲各地都具有知名度,賣埠價亦相對可以加碼,不過隨住大陸「禁韓令」、「限韓令」之後,唔少電視台就寧願將啲資源放喺製作方面,所以寧願選擇年紀較輕但又有優秀演技嘅女主角。

當中根據韓國《文化日報》日前發佈嘅統計資料中,0依家喺韓國下電視台播出嘅六部劇迷你劇中,女主角平均年齡為,當中由月火劇(逢周一及周二播出),MBC嘅《君主-假面的主人》女主角金所炫年齡只得18歲,係六部劇中年紀最少嘅一合位,KBS嘅《七日的王妃》女主角朴敏英年齡為31歲,SBS嘅《奇怪的搭檔》女主角南志鉉只得21歲。

至於水木劇(逢周三及周四播出)方面就以MBC嘅《守望者》女主角李詩英年紀為35歲,係六部劇中年紀最大嘅一位,KBS嘅《三流之路》中嘅金智媛亦只得24歲,SBS《我的野蠻女友》中嘅吳漣序下周先踏入30歲。當中呢六位女主角嘅平均年齡只得26.3歲。

對比起去年同期,三大電視台熱播嘅韓劇,女主角分別有黃靜茵、姜素拉、成宥利、朴信惠、鄭柔美及金亞中等,平均年齡逾30歲,2015年平均年齡更逾31歲,可見0依家韓劇女主角越來越年青。

而SBS電視台電視劇本部長就話因為觀眾都希望見到新鮮面孔,如果同一位演員同時間出演多部作品,會令觀眾睇到嫌(不過呢個情況喺香港大台成日都見到)。


《君主-假面的主人》金所炫 18歲


《七日的王妃》朴敏英 31歲


《奇怪的搭檔》南志鉉 21歲


《守望者》李詩英 35歲


《三流之路》金智媛 24歲


《我的野蠻女友》吳漣序 29歲

arrow
arrow
    全站熱搜

    CJWFC 發表在 痞客邦 留言(0) 人氣()