CJWFC

友姐讀劇本時已勁感動

2017.12.08 HK 蘋果日報
    

珉豪(左一)都傷心痛哭

《世上最美麗的離別》聽日首播，劇迷要準備拎定紙巾

由韓國「催淚天后」崔智友、珉豪、元美京等主演嘅tvN新劇《世上最美麗的離別》，將於本聽日首播。

劇集是由《Dear My Friends》嘅編劇盧熙京編寫，改編自盧熙京同名小說作品，講述一位平凡媽媽喺人生最後嘅日子，同家人重歸於好嘅故事。題材事實係盧熙京紀念佢因為癌症逝世嘅母親而寫下嘅故事，盧媽媽喺發現患癌前，經常被家人呼喝，亦冇人理會過佢感受，直到有一日盧媽媽宣佈患癌消息後，就如炸彈一樣震撼家人嘅心靈，家人亦因而珍惜與盧媽媽共處嘅最後三個月。

劇集雖然只會播出四集，但一眾演員都好專業，如平日一樣會先進行劇本綵排，即眾人會先圍埋一齊讀劇本試演，估唔到單單咁樣讀劇本而令眾人大為感動，喺日前電視台公開嘅視頻中，可見友姐同珉豪都因為劇情而好感動，兩人一邊讀劇本一邊喊，睇嚟觀眾要做足心理準備，到時睇劇時要拎定紙巾做準備。