[NEWS] 【GD入伍】BIGBANG成員相繼當兵 YG招攬演員擴充業務 @ CJWFC

YG非常依賴BIGBANG，成員相繼當兵令公司面臨重大危機。

2018.02.27 HK 蘋果日報

韓國天團BIGBANG隊長G-DRAGON（GD）今日現役入伍，於江原道嘅新兵訓練所進行5星期嘅基礎軍事訓練，之後服役21個月，暫別粉絲近兩年。

今日GD入伍，除咗粉絲非常不捨外，GD所屬嘅YG事務所其實都非常唔捨得，皆因GD係YG最賺錢藝人之一，GD暫別粉絲近兩年，代表YG正面臨重大危機。

早前有韓國節目指出，YG非常依賴BIGBANG，娛樂銷售額方面，65%以上嘅收入都係源自BIGBANG，當中GD佔非常高嘅比重。

有韓國記者分析，由於BIGBANG五名成員都相繼入伍，去年T.O.P率先當兵，今日及下個月就輪到GD及太陽，YG正尋找填補BIGBANG空缺嘅方法，所以近年YG涉獵李鍾碩、姜棟元、崔智友、金喜愛、車勝元等演員，就係為咗填補BIGBANG嘅空缺，正在擴充公司業務。