車大媽喺《一日三餐》又有新發明
韓劇《你們被包圍了》男星車勝元自從喺tvN綜藝節目《一日三餐》－漁村篇先後展現其了得嘅捉魚技術及廚藝之後，「車大媽」形象深入民心，仲成為唔少韓國大媽、女士佩服兼學習嘅男人。
而噚日，節目組又再喺Facebook公開車大媽嘅驚人廚術，節目組上載咗張有人利用兩塊磚頭晾起一個鐵架，再用錫紙盒烤麵包嘅相，仲留言：「車大媽，晚才牛角包專用烤爐？真係整到麵包，究竟仲要有幾驚喜？」公開車勝元用奇技自製戶外麵包爐。
提到tvN，佢另一人氣節目《花樣爺爺》最近就喺希臘開緊機，不過適逢農曆新年，一眾演出爺爺、男星李瑞鎮同新加入節目嘅女星崔智友就喺Facebook公開咗佢哋喺希臘影嘅合照，仲留言：「雖然有少少遲，但喺希臘祝大家新年快樂。」 
車勝元如果唔演出《一日三餐》，都真係唔知佢廚藝咁了得
車大媽是但個舊磚、用個鐵架就變出一個麵包烤爐
喺希臘拍緊《花樣爺爺》嘅爺爺們、崔智友同李瑞鎮同大家拜年
全站熱搜
留言列表
Choi Ji-woo - 崔智友 (9)