CJWFC

   
2015.10.01 HK 蘋果日報

轉下眼又踏入10月了，今個月都有唔少新韓劇推出，當中月火劇(逢周一及周二播出)嘅檔期，三大電視台都巧合地推出新劇，令到月火劇檔就冇話邊個播先較優先，而當中SBS方面嘅牌面就比賽犀利，佢挾住25周年，特別企劃推出嘅電視劇《六龍飛天》，呢齣劇由劉亞仁、申世京、金明民、卞耀漢等主演，以朝鮮建國初期為背景，描述咗太宗李芳遠為中心嘅六名主人公嘅野心、慾望同成功。

至於同《六龍飛天》同檔就有KBS嘅《無理的前進》同埋MBC嘅《華麗的誘惑》，《無理的前進》由鄭恩地、李源根、蔡秀彬、車學沇等主演，講述高中拉拉隊嘅友情同愛情，係青春學生故事。而《華麗的誘惑》就由崔江姬、朱相昱、車藝蓮等主演，講述咗一名女子受到神秘嘅吸引而嚟到華麗世界，又誤打誤撞進入咗上流社會嘅故事。

由金泰希主演嘅人氣劇將於今晚大結局，下星期就會由文根英同陸星材主演嘅《村莊》接檔，劇情係講村莊一向十分平靜，幾乎冇發生過犯罪事件，突然有一天發現已秘密埋葬很久嘅屍體，打破咗村莊平靜嘅生活，但係村裏冇人失蹤，屍體嘅身份亦成謎，隨着屍體嘅出現，亦都將村莊唔尋常嘅秘密逐漸浮出水面，而一名村裏嘅英語教師試圖揭開事件同秘密。

另外，收費台tvN方面同樣有新劇推出，由崔智友演出嘅人氣劇《第二個二十歲》將於本月底迎來大結局，緊接友姐新劇推出就係tvN嘅皇牌劇集《請回答》系列嘅最新一齣《請回答1988》，由於過往《請回答》都大受歡迎，所以新一齣嘅《請回答1988》同樣受到各界關注，劇集由惠利、朴寶劍等主演，
以1988年首爾道峰區雙門洞為背景，以家族關係同鄰里感情作為劇情主線，生活喺小巷子裡嘅一家人為主角，講述咗住喺同一屋簷下嘅三家人嘅故事。




SBS《六龍飛天》10月5日首播   

 KBS《無理的前進》10月5日首播     

MBC《華麗的誘惑》10月5日首播

SBS《村莊》10月7日首播   

tvN《請回答1998》10月30日首播