2015年11月27日 HK 蘋果日報

由四位韓國爺爺級演員李順載、申久、朴根亨同白一燮，夥拍男星李瑞鎮演出嘅tvN綜藝節目《花樣爺爺》長拍長有，今年3月推出嘅第三季，更得到崔智友加盟同佢哋玩轉希臘，結果傳出李瑞鎮同崔智友疑幻疑真嘅戀情，節目亦收視理想。

近日，隨着羅䁐錫製作人策劃嘅新一季綜藝《花樣青春》正於冰島拍攝，令同時出自佢手嘅《花樣爺爺》、《一日三餐》同《新西遊記》都引起注意，觀眾都想知佢有冇興趣再推出新一季。

羅䁐錫受訪時直認有諗過，當中以《花樣爺爺》可能性最大，「如果可以，我希望每年都帶着著老師們錄製節目，每年播出一季。為此，我正在構思。」
對於會否拍攝《一時三餐－漁村篇3》，羅䁐錫話目前第二季仍在播出，再添食實在言之過早，而李昇基演出嘅《新西遊記》雖然一播出就取得巨大迴響，但暫時無意再拍。

arrow
arrow
    全站熱搜

    CJWFC 發表在 痞客邦 留言(0) 人氣()