CJWFC

Check Point 1︰韓風濃眉裸妝

韓風彩妝是濃眉裸妝，開門 5品即可化右圖明星妝。

Eye︰ 2NE1化銀白眼妝

2NE1新 MV〈 Lonely〉撐 Balmain窩釘皮褸，配金屬粉紅及銀白色眼影，同此品有 9成似。含大量閃粉卻壓得實淨零飛粉，折射度高上眼有如鏡面。 The Face Shop曾被經濟雜誌《 The Economist》點名為全球最佳零售典範， 2年在韓開 400分店，其台灣士林夜市分店亦係港人旅台入貨之地。

Cheek︰網購冠軍胭脂水

Lioele係韓國郵購冠軍品牌，因金荷娜拍韓劇《 ON AIR》狂用其 BB cream而走紅。此胭脂水跟 Benefit皇牌 Benetint同是二合一胭脂、唇彩，為韓 blog熱推產品！質地比 Benetint油潤易推，加上有 3色選擇，屬同類產品之冠。

Lip︰冰極豐唇

只成立兩年的 Holika Holika在明洞雖只有 4間分店，卻因客路與 Majorlica Majorca相似及名稱同為咒語，而被稱為韓版 MJ。這唇彩未算係皇牌但絕對值得推介，因為佢係少有不產生刺痛感的豐唇唇彩，用時涼浸浸，食正夏天條水，絕對係時令之選！

Face︰李英愛妝師小面推介

韓品而言，修容粉是最值得投資的一環，皆因韓妹通常以它搞掂輪廓及胭脂！李英愛及崔智友化妝師 Lee Kyung Min係歐洲小姐選舉彩妝總監，此品由佢監製，白色造光影、淺啡修輪廓；而深啡仲可當埋眼影，每格粉都有 SPF15防曬，貴得有理！

Brow︰存在感黑豆眼眉

裸妝焦點欠奉，而眉係面的框架，順理成為必畫步驟。韓眉唔係一味黑及粗，存在感才最重要，少女時代及 f(x)的 Tiffany及 Amber先後留金髮，亦慣用比髮色深 1-2度的啡色眉品加粗條眉。這款眉筆含黑豆精華，可令毛色更深亦有助預防眉毛脫落。

Check Point 2︰ BB cream

韓報報道 ETUDE HOUSE上年日賣 2千支，歐牌亦跟風，以下是本地賣得最瘋的皇者 4強。

乾燥肌︰《 ViVi》、短片勁煲

先找 Lindsay Ellingson代言（曾幫 M.A.C代言數季）打國際市場，再於原宿開總壇的 banila co.，產品不時上《 ViVi》。官方 utube教學話用時只於顴骨、額頭重點上粉，再左右印壓而非 blend開，妝感才自然。

油性肌︰本地過百萬銷量

BB cream成日俾人話易氧化令面色變灰，其實問題在於油脂分泌過量。此產品唔只防油仲同時防汗，用後膚質好 matte，油性肌用可令底妝更持久，普通膚質用則可慳碎粉。

敏感肌︰礦物銷量王

Upgrade配方礦物 BB cream，上月登場即成官網銷量王。不含油分同時加入 breathing powder唔使再咁老土擔心塞毛孔。質感似遮毛孔 primer，若你毛孔明顯，建議逆時針方向打圈上粉。

全功能︰全球勁賣 800萬支

MiSSHA呢支 BB cream勁全能，含美白熊果素，有機認證薰衣草、甘菊精華，可紓緩敏感。遮瑕度高，一次過 K.O.細紋、色斑及毛孔粗大，懶人必用，難怪每 20秒賣出一支囉！

Check Point 3︰ UV Proof

美白粉在韓非新品，但今年日牌一煲再回潮。

Whitening︰時令美白防曬礦物粉

防曬霜有乳化劑易塞毛孔，故上年推出標榜可防曬、調色同時定妝的美白粉時，韓妹大力讚好！在濟州島自設有機農場的 innisfree，今年推出含有機綠茶抗氧成分的美白碎粉，有鮑魚殼粉提升光澤，且以保濕為賣點，一出已成銷量冠軍！

Check Point 4︰ Skincare

韓牌首創過夜 mask， LANEIGE的更是化妝師口碑推介。
什麼是皇牌？就係有 bonus效果之餘，亦要愈多用法愈好！眾所周知， LANEIGE的 Water Sleeping Pack_EX係全行首款過夜 mask，官方數字話佢每分鐘賣 3盒，但你又知唔知本地最叻的化妝師係點用佢？

溝濕粉打底

「除了 NARS的 Aqua Gel，用質地同為凝膠的 Water Sleeping Pack1:1溝粉底一樣有相同作用，可將粉底變成護膚品，更貼。」

飛機按摩必備

「鍾意佢夠 multi-function，當 mask用可包多層保濕保鮮紙，又可先雪凍，搓暖雙手於面珠、顎骨等淋巴位打圈去水腫。」

Check Point 5︰韓男韓女代言戰

當韓男壟斷韓妝牌代言，韓女星同步衝出本土，成外國品牌代言，各有各搵食！

韓男代言韓妝

韓劇男星愈來愈白淨，皮膚仲滑過女角，就知護膚有一手。近年搵開女星代言的韓牌，都紛紛轉用男星谷銷量，配合大堆頭贈品吸引追星族！

ETUDE HOUSE︰李民浩冧掂 OL買 BB cream

'09韓版《花樣男子》紅遍亞洲，品牌即時搵嚟韓版 F4李民浩做代言人力推 BB cream，劇中貴公子形象深入民心，吸引一眾 OL粉絲，官網指創出 2日內大賣 3萬支紀錄。

NATURE REPUBLIC︰ JYJ踢走 Rain銷量升 4倍

適逢代言人阿 Rain當兵，前東方神起成員 JYJ接棒成為新代言人令全線產品銷量勁升 4倍。上月更起用下圖憑《原來是美男》人氣爆升的張根碩做日本代言人，正式攻日。

Holika Holika︰ CNBULE玩贈品攻略

新牌搵新組合代言聽落好冒險，但隊長鄭容和因同少時成員徐賢參加《我們結婚了》做假想情侶而人氣急升，代言人 Holika Holika亦乘機受惠。但產品都唔及印有容和靚樣的贈品吸引，以下圖的大頭 file最多人搶。

少時代言 Dior

少女時代（簡稱少時）向外國發展，'09年代言法牌 Biotherm，今年分拆代言 Dior BB cream，其實 9人精通中、日、英等語言，勁受 20代至 30代的女性支持，連日本晨早節目亦要分析何謂「少時效應」。

DIOR SNOW︰首個女團代言人　 6成員撐 DIOR SNOW

隊中最識扮靚的 Yuri喺花絮度透露拍廣告前嘅護膚貼士：「除瞓到足，仲搽大量美白產品，等皮膚更有光澤。」 6女於今年 2月代言埋 Lady Dior經典包包系列，實行借少時吸納粉絲，栽培佢哋成為日後 Dior girl！

innisfree︰天然無添加允兒代言 innisfree

少女時代隊員由出道起成日被傳整容，但當中只有最人氣的允兒，被 fans搵出兒時舊照，力證美貌無添加，啱晒 innisfree天然美肌理念。

Clean and Clear︰徐賢孖住 f(x)Krystal代言 Clean and Clear

只得 19歲少時最年青隊員徐賢，愛吃水果保養，又無懼於電視節目素顏登場，所以最近俾少女牌 Clean and Clear睇中，孖住 f(x) o靚妹仔成員嘅 Krystal一齊代言，廣告互幫對方洗面。

Check Point 6︰地膽達人講韓潮

找來 3個韓風達人，深入了解最新美妝資訊及地道化妝秘技。

李孝利化妝師教 Jung Saem Mool YouTube教韓星妝！

作為韓國星級化妝師嘅 Jung Saem Mool，幫過李孝利同 BoA化妝，早年仲開美妝 salon。佢好無私拍教學片放上 uTube又公開產品型號。
最近開設的新 playlist有埋英文字幕好細心，佢提醒要化攻陷日本的韓國組合 KARA妝，眼線最緊要；用黑色眼線膠畫約 2mm粗眼線，向上拉長成貓眼妝，記住唔好 blend鬆，以實黑眼線突出存在感，最後喺眼頭加上銀色閃粉，同下眼尾黏上閃石至夠 sharp！

日本通王友良即攻韓模

日本通王友良，不時帶《 ViVi》渡邊知夏子等來港搵真銀，最近正式簽韓模、去韓國首爾拍 Levi's宣傳，睇準商機撈過界！日本潮誌《 non-no》、《 ViVi》等經常有韓星特集， 6月號《 Scawaii》更有新增讀者模特兒票選韓星單元。 Ivan：「就連剛於上年舉行的潮界盛事 TOKYO GIRLS AWARD亦搵嚟少女時代做表演嘉賓，及十多個韓國男模行 catwalk。」除咗美妝，韓國時裝更係急起直追，韓牌 WOO YOUNG MI設計簡約，早喺'02已登上巴黎時裝展舞台，'08更打入亞洲潮流重鎮東京，「被新宿的 select shop VIA BUS STOP MEN睇起引入，反應理想每季均賣出 9成以上。」

banila co.、 innisfree太子聯合廣場 G44B（ 6388 3318）、 ETUDE HOUSE、 Holika Holika、 NATURE REPUBLIC銅鑼灣蘭芳道 1號 4鋪(2808 1850)、 LANE燅 E旺角新世紀廣場 123鋪（ 2396 3110）、 Lioele、 The Face Shop尖沙咀柏麗大道地下 G6-G7鋪 Colourmix（ 2201 8668）、 Skinfood銅鑼灣駱克道 520號地鋪（ 2834 9121）、 Too Cool For School銅鑼灣耀華街 4號 2樓 Jules（ 834 7399）、 Mioggi銅鑼灣軒尼詩道 519至 521號 MIOGGI Tower（ 2717 1713）、 M熽 SHA旺角新世紀廣場 1樓 120鋪（ 2628 9132）、 VIDI VICI九龍塘又一城 G39鋪 Joyce Beauty(2265 7176)