婚禮當日，李敏貞着上 Marchesa 2013秋冬婚紗出嫁，既優雅又搶眼。難怪新郎憲哥開心到話老婆靚過金像女星嘉芙蓮薛達鍾絲啦！ 

出外埠

李秉憲　李敏貞　婚禮巨星閃閃

43歲嘅韓國型男李秉憲，於上周六（ 10號）跟細佢 12年嘅李敏貞拉埋啦，當日佢哋喺首爾君悅酒店擺酒，據知單係結婚酒席就使咗約港幣 104萬，非常奢華。

賓客大嗌咀嘴，可惜李敏貞怕醜唔肯，憲哥惟有錫額頭算數。 

憲哥圈中好友張東健夫婦、權相佑夫婦、延正勳夫婦，以及鄭宇盛、宋承憲、金汎、韓孝珠、崔智友、金泰熙、以及甚少出席圈中活動嘅全度妍等都有出席，為新人送上祝福。粒粒紅星，真係閃過任何電影電視頒獎禮呀。

銀壇夫婦閃到爆

憲哥婚禮賓客，大牌如雲，除咗死黨張東健、權相佑、延政勳攜眷出席外，喺電影《義勇群英：毒蛇反擊戰》入面飾演奸角嘅 Ray Stevenson更帶同女友 Elisabetta Caraccia專程飛到韓國出席，認真俾面。

緋聞女友獨欠宋慧喬

曾經跟憲哥傳過緋聞嘅女星如崔智友、全度妍及金泰熙等當日均不避嫌大方到場，唯獨昔日戀人宋慧喬無影。呢啲咪係真同假嘅分別囉！

崔智友

全度妍 

金泰熙