CJWFC

2014.09.03 / HK 蘋果日報
    
    

由《天國的階梯》拍檔崔智友同權相佑主演嘅劇集《誘惑》臨近尾聲，但收視一直不如理想，令「天國迷」大跌眼鏡。不過前晚播出一集，《誘惑》喺同檔劇《巡夜人日記》停播嘅情況底下，就難得登上同檔收視No.1，收得11.3%，認真可喜可賀。

劇中，兩位主角間拉拉扯扯嘅感情關係得到關注外，友姐嘅服飾打扮亦係亮點之一。劇中飾演職場女強人嘅友姐，成日都以高貴成熟打扮現身，即使一件簡單嘅白色恤衫，友姐亦可以消化得極致完美。當中，友姐喺劇集初段穿過嘅一件白色留蘇恤衫，就成為咗大眾嘅must have item，就連韓國女天團少女時代中嘅「fashion queen」允兒亦都曾經喺機場著過同一恤衫。

雖然件恤衫睇落好似好平凡，但其實係出自日本品牌Junya Watａnabe之手，白色恤衫加上少少留蘇，華麗又唔浮誇，而且簡單易襯，不理係友姐定允兒，都可以著得好靚。

件恤衫睇落好似好平凡，但其實係日本品牌Junya Watanabe出品。