CJWFC

2015.04.04 HK 蘋果日報

韓國女星崔智友因為加盟綜藝節目《花樣爺爺》而與李瑞鎮傳緋聞，在前日播出的一集中，這對緋聞男女又玩曖昧，被觀眾取笑二人似在拍攝扮夫妻的節目《我們結婚了》（我結）。節目中，李瑞鎮看到崔智友邊吃早餐邊數錢，就體貼地讓女方先吃，由自己數錢，二人又會經常咬耳仔。不過二人其後卻因選擇住宿的地方而意見不合，被導演取笑：「聽說你們小夫妻吵架了？」二人聽見後笑而不語，表現受落。

 【韓流】崔智友李瑞鎮玩曖昧 似拍《我們結婚了》
    


    
崔智友同李瑞鎮喺《花樣爺爺》入面表現曖昧，難怪會傳緋聞



2015.04.04 HK 蘋果日報
    

《花樣爺爺》成員合作得好愉快] 《花樣爺爺》成員合作得好愉快

韓國女星崔智友因為加盟綜藝節目《花樣爺爺》而同男星李瑞鎮傳緋聞，喺噚日播出嘅一集入面，呢對緋聞男女又玩曖昧，被觀眾笑佢哋似拍緊扮夫妻嘅另一綜藝節目《我們結婚了》。

節目中，李瑞鎮見到崔智友邊吃早餐邊數錢時，就體貼地叫女方先吃，由自己數錢，二人又會經常咬耳仔。不過佢哋後來卻因揀選住宿地方而意見不合，被導演笑：「聽講你哋小夫妻嘈交喎？」

不過崔智友同李瑞鎮聽見後冇say no，只係識笑，咦～～真係好似有啲嘢喎。











 【忽然1周】節目做媒 撮合李瑞鎮崔智友
    

咪睇李瑞鎮出名毒舌，佢對崔智友不知幾溫馴，搵廉價住宿嗰陣，智友問佢同旅遊景點近唔近，即刻搵資料。(互聯網)

2015.04.04 HK 蘋果日報

   
食緊早餐嗰陣，李瑞鎮忽然問剩番幾錢，但佢叫崔智友慢慢食，自己喺度計數。

前三輯《花樣爺爺》得李瑞鎮一人帶住4位爺爺去背包旅社，今次多咗崔智友，佢終於識笑喇！

依家大台播緊嘅《花樣爺爺》，仲係播緊第1輯台灣篇，但人哋喺韓國已經播出第3輯喇！

今次去到杜拜同希臘旅行，除咗原有班底嘅4位爺爺李純才、申久、朴根亨同白日燮外，今次真係明醒咕哩李瑞鎮，搵咗演員崔智友陪佢哋去，平時計到盡嘅製作組呢次咁大手筆，睇落真係有啲嘢，擺明想俾機會佢哋日久生情囉。

話晒去咗10日10夜，一向毒舌嘅李瑞鎮，見到崔智友冇再口賤，仲笑到見牙唔見眼。其實幾位爺爺喺第1輯嗰陣，已經成日搵機會介紹靚女俾李瑞鎮，話佢都已經44歲，擔心佢一直單身落去。今次有靚女崔智友同行，佢哋就出晒力製造機會俾佢哋，睇嚟再去多次旅行嘅話，應該好快成事喇！