CJWFC

   



2015年07月31日 HK 蘋果日報

《冬日戀歌》係韓劇嘅經典之作

友姐同李瑞鎮真係好襯

現年42歲嘅韓流始祖裴勇俊本周一同細自己13年嘅朴秀珍結婚，認真可喜可賀。

不過俊哥結婚後，大家嘅焦點就落喺佢嘅舊拍檔崔智友身上。眾所周知，俊哥憑經典韓劇《冬日戀歌》而走紅亞洲，特別喺日本佢嘅人氣更係力久不衰，俊哥日前結婚，唔少日本粉絲都飛咗去韓國賀佢，認真神心。

但係俊哥嘅婚事就令大家發現，原來《冬日戀歌》中嘅「主要人物」全部都結晒婚，除咗...現年已40歲嘅女主角崔智友，唔少粉絲都戥友姐心急，因為友姐都已屆適婚年齡，但之前嘅戀情都未能開花結果，所以粉絲都好想友姐快啲結婚搵到自己嘅幸福，難怪咁多人都成日撮合友姐同《一日三餐》嘅主持李瑞鎮啦，因為兩個人真係好鬼襯。

而除咗裴勇俊結婚外，據知2002年播出嘅《冬日戀歌》中，當時劇組嘅主要演員同工作者目前都係已婚狀態，好似現年58歲嘅導演尹錫湖就喺2009年同細過自己13歲嘅韓服設計師結婚，當時佢哋嘅婚訊都好轟動，《冬》劇組嘅成員都全部出席婚宴。而喺劇中做惡毒第二女主角嘅朴帥眉亦於前年同《愛上女主播》男星韓載錫結咗婚，而有份演出嘅劉成洙等演員們都陸續結婚。

提起《冬日戀歌》，粉絲一定會掛念第二男主角朴容夏，朴容夏於2010年6月30日用手機充電器線纏住自己的脖子自殺身亡，終年33歲，不少粉絲都十分懷念他主演的角色，又指翻看劇集時會十分感觸。