CJWFC

2015年08月01日 HK 蘋果日報
    

話咁快又8月了，今個月都有唔少新劇出籠，當中有不少一線女星孭飛擔正新劇，0依家就等我哋睇吓今個月又有咩新韓劇睇啦。

今個月上映嘅韓 劇，當中最受人注目係金泰希事隔兩年後再回歸公仔箱嘅SBS新劇《龍八夷》，呢部劇由金泰希、周元、蔡貞安，趙顯宰主演，劇集將於5號首播，故事內容係講 喺韓信醫院具有三年工作經驗嘅普通外科醫生金泰賢（周元飾），喺家境窘迫嘅情況下艱難地成為醫生，但因為要照顧每星期都要醫腎病嘅妹妹，所以只好拼命搵 錢，仲為黑社會打工，搞到佢嘅醫生生涯陷入困境。而身為韓信集團繼承人嘅韓茹貞（金泰希飾），喺VIP病房一直陷入昏迷狀態，茹貞因為泰賢關係重新找回意 識，但卻陷入另一個困境

《龍八夷》

至於由韓流天后崔智友主演嘅tvN新劇《第二個二十歲》，亦將會於今個月首播，呢部劇由友姐第一部參與嘅收費電視台嘅劇集，佢喺劇中會同李尚允飾演一對，劇集喺講30多歲嘅大媽重新入大學成為新生嘅故事，內容集搞笑同浪漫於一身。

《第二個二十歲》

而日前已經開咗發佈會嘅SBS新劇《Mrs.Cop》，呢齣劇由《密會》女星金喜愛聯同金旻鐘等人主演，將於3號首播，劇集係講重案組刑警嘅故事。

《Mrs.Cop》

由《麵包王金卓求》女星Eugene主演嘅KBS新劇《拜託了媽媽》將會15號推出，故事講女兒李真愛（Eugene飾）同媽媽及婆婆之間充滿矛盾嘅關係，估計這些家庭倫理題材嘅韓劇會深得韓國師奶喜愛。

而由《大長今》男星池珍熙聯同金賢珠、朴寒星等主演嘅SBS新劇《我有愛人了》將於22號首播，呢部劇係講了一個失去記憶嘅女人，同自己曾經好憎恨嘅丈夫再次相愛嘅故事。

還有KBS於17號上映嘅新劇《奇怪的兒媳》，此劇由金多順、柳秀榮、奇太映等主演，係講夢想東山再起嘅偶像組合成員借出演綜藝節目《宗家兒媳體驗》，體驗做宗家兒媳婦時同假婆婆之間嘅故事。

除咗以上嘅新劇外，OCN收費台亦於今個月23號推出《看見鬼的刑警處容2》，呢部由吳智昊、全孝盛主演嘅劇，去年播出時好受歡迎，所以電視台再開拍第二季，劇集係講吳智昊本身能夠睇到鬼，仲因為咁而幫手解決神秘案件。