close
2015.08.11 HK 蘋果日報
由崔智友、李尚允同崔元英主演嘅tvN新劇《第二個二十歲》近日拍得如火如荼，呢部劇將會接檔大熱劇《Oh我的鬼神君》於本月28號播出，所以外界預計新劇應該可以挾《鬼神》餘威，獲得好收視。
而三位演員都非常落力谷新劇，日前劇組就公開咗佢哋為劇集打氣嘅照片，只見企喺中間嘅友姐同兩位男主角齊齊揸住劇本，之後就做出加油手勢，預告大家要支持佢哋。
網民睇到照片都紛紛留言，仲話一定會支持友姐嘅新劇，亦覺得今次劇集個題材好新穎，希望收視都會高開。
呢部劇喺講友姐因為19歲就做咗媽媽，因為將自己最好嘅時光都奉獻晒畀小朋友，所以佢從未真正體驗過正常年輕人嘅生活，所以佢決定喺38歲呢年，重新考入大學，故事就係講佢點樣喺校園生活，點樣同好似自己嘅小朋友一樣、年輕過自己成20歲吋嘅年青人交流，甚至成為朋友。
全站熱搜
留言列表
Choi Ji-woo - 崔智友 (9)