CJWFC

    
朴信惠、李光洙和孔孝真都會擔任《MAMA》嘅頒獎嘉賓


2015年11月24日
    

韓劇《愛上Pinocchio》女星朴信惠早前已宣佈會現身下月2號喺亞博館舉行嘅一年一度《MAMA音樂頒獎禮》，而朴信惠亦趁現身《MAMA》前，喺下周一率先嚟香港，到時佢會出席Visa Checkout服務啟動儀式，活動會喺下晝2時30分喺銅鑼灣柏寧鉑爾曼酒店舉行，唔知朴信惠完成當日活動後，係唔係會留港四處遊覽，之後2號先再現身《MAMA》呢。

另外，唔少粉絲一早就撲定《MAMA》飛到時捧自己偶像攞獎。至於今年《MAMA》嘅頒獎嘉賓陣容亦都好勁，記得去年大會邀請到權相佑、宋承憲、崔智友等一線明星助陣，今年《MAMA》亦不容有失，邀請多位紅星親臨香港出席呢個盛事。

《MAMA》主辦方就公佈，今年《MAMA》頒獎嘉賓嘅陣容包括：孔孝真、李光洙、朴信惠、李政宰、韓孝珠、朴寶英、韓彩英、金康宇、鄭錫元、高雅娜、劉延錫 、孫浩俊、呂珍九、徐康俊、金素恩、UIE、金所泫、秀賢、洪秀兒、模特兒Stephanie Lee、秋瓷炫等也將出席該活動。

韓彩英	李政宰	朴寶英
韓孝珠	呂珍九