CJWFC

 今集《韓劇榜》繼續精彩！

10月17日(一)     東網電視

【on.cc東網專訊】 又到新一集《韓劇榜》，今集會介紹崔智友同埋朱鎮模主演嘅新劇《拖行李箱的女人》，崔智友飾演人生經歷波折嘅律師，佢成日拖住放滿文件嘅行李箱，佢同飾演報社社長嘅朱鎮模喺一場訴訟度相遇，兩個人仲會慢慢擦出愛火添！

仲會講吓利特同埋全賢武主持嘅新節目《歌曲的誕生》，每次都會搵好多音樂人嚟Jam歌對決，啱晒熱愛音樂嘅觀眾。近排好紅嘅男團防彈少年團上個星期推出咗新碟《WINGS》，會同大家睇吓佢哋嘅V App直播，仲會介紹主打歌《Blood Sweat & Tears》添！平時斯斯文文嘅女團TWICE台灣成員子瑜，原來食嘢嗰時好唔同㗎，想知道就要留意今集《韓劇榜》啦！

今集會介紹崔智友嘅新劇《拖行李箱的女人》。

朱鎮模同崔智友會有感情線。

好多音樂人會上去Jam歌。

仲會講吓子瑜嘅小秘密！

仲會睇吓防彈少年團嘅V App直播。

仲會講吓利特同埋全賢武主持嘅新節目《歌曲的誕生》。

同埋新歌《Blood Sweat & Tears》。