CJWFC

1位女主角，一次過集晒7位型男！

Yahoo Travel HK 2016年12月1日

韓國最大百貨公司集團非樂天「LOTTE」莫屬，不過最近都不幸被捲入總統朴槿惠閨密崔順實事件，有傳有捐獻政治黑金換取重點舖位。先不論成件事是否屬實，不過最近公布一條微電影嘅Trailer就真係震驚13億人！呢條宣傳片，係公布12月5日先首播嘅微電影《七次的初吻》，Trailer一開始就講述一位喺樂天免稅店工作嘅女收銀員，25歲仍一直單身嘅閔秀真（小編覺得佢好似杜小喬），有一日無端端得到女神崔智友嘅法寶，令佢遇上7位Oppa，而根據Trailer所見，小喬分別遇到7位型男Oppa，包括李敏鎬、李鐘碩、李准基、朴海鎮、池昌旭、KAI＠EXO、玉澤演，而且睇嚟仲有7個錫錫鏡頭！天呀，一次過集晒7位型男郵！公平咩！片段一出，隨即引嚟網民葡萄：「女主角前世燒了多少香？」「讓我死了吧，投胎再變女主角。」「女主角上一世一定拯救了世界吧。」就憑呢個Cast，7大型男加埋崔智友，基本上真有今生無來嘅組合！樂天會唔會因為總統事件被牽連就未知，但呢條微電影就絕對呃到LIKE啦！想睇Trailer中文版，去呢度啦！

25歲閔秀真，聲稱一直單身喎。

崔智友交出法寶，令女主角變得非常受歡迎。

李鐘碩同女主角偶遇嘅一瞬間。

究竟同7位Oppa係咪有錫錫呢？