close
2016-12-24 HK 蘋果日報
韓國男團2AM出身嘅27歲男星趙權，一向都鍾意扮鬼扮馬，不過佢亦唔介意為咗工作而着上女裝，就好似之前佢為音樂劇《沙漠妖姬》已經換上女裝、着高踭鞋表演，近日佢再為綜藝節目《黃金鈴鼓》扮成女人，更於自己Instagram公開化妝嘅過程。
相中趙權化上淡妝，戴上金色嘅長假髮，後面仲有工作人只幫佢梳緊公主頭，又綁上好靚嘅蝴蝶結，而趙權亦留言呼籲粉絲記得睇節目，相當敬業。
趙權公開女裝相後立即吸引粉絲注意，有唔少粉絲留言話佢似韓劇「催淚天后」崔智友：「仲以為係崔智友0添」、「應該唔止我一個覺得似崔智友吧」等，更有粉絲搞笑地表示：「權姐姐，快啲搵返個好男人喇」，似乎趙權男扮女裝仲省鏡。
全站熱搜
留言列表
Choi Ji-woo - 崔智友 (9)