CJWFC

2017.12.17 HK 蘋果日報


由韓國「催淚天后」崔智友、珉豪、元美京等主演嘅tvN劇集《世上最美麗的離別》將於今晚大結局。劇集講述一名患癌媽媽於人生最後嘅日子，跟家人重歸於好嘅故事。於劇中飾演元美京女兒嘅友姐，就因為被劇情感動，讀劇本時一邊讀一邊喊。

噚晚一集講到元美京病情惡化，於洗手間內吐血，家人見到後都傷心流淚，今晚劇集將講述元美京與家人分別嘅過程。於公開嘅預告照中，見到元美京跟家人一齊於海邊享受悠閒時光，又相互為彼此拍照，儘管眾人臉上露出幸福笑容，不過仍難掩即將分別嘅傷感氣氛。劇組表示：「《世上最美麗的離別》將於今晚播出大結局，希望呢部劇能令各位觀眾重新理解家人嘅意義，重新認識自己家人。」

另外，現年42歲嘅友姐依然keep得好，早前更以低胸造型為雜誌拍攝新相，狀態大勇。




噚晚播出嘅《世上最美麗的離別》中，講到元美京病情惡化。     

一家人見到後都非常傷心     

今晚會講述元美京跟家人一齊去海邊度過最後嘅時光

42歲嘅友姐依然狀態大勇，以低胸造型為雜誌拍攝新相。