close
友姐拍新節目《Coffee Friends》到咖啡店做兼職
2018.12.06 HK 蘋果日報
韓國43歲女星崔智友於今年3月突然宣佈結婚,友姐婚後甚少公開甫頭,只係間唔中出席品牌活動,不過原來友姐早前低調拍攝新綜藝節目《Coffee Friends》到咖啡店做兼職。
《Coffee Friends》係金牌導演羅䁐錫製作嘅新節目,預計下月播出。節目組今日喺官方Instagram公開咖啡店嘅位置及營業時間,並透露每集都有唔同藝人去做兼職,而第一集嘅兼職生就係友姐及韓劇《愛情的溫度》男星楊世鍾,令唔少粉絲都相當期待。據悉節目喺前日開拍,有網民就影到崔智友等人到超市購物。
《Coffee Friends》來源於男星柳演錫、孫浩俊今年進行嘅同名公益活動,柳演錫及孫浩俊親自揸住咖啡車四處分享飲品,價格由買家自行決定,至於咖啡車嘅營業收入就會捐出去幫助有需要嘅人。
(左起)柳演錫、孫浩俊、崔智友、楊世鍾 (左起)柳演錫、孫浩俊、崔智友、楊世鍾
友姐等人到超市購物(網上圖片) 友姐等人到超市購物(網上圖片)
全站熱搜
留言列表