2016.09.22 HK 蘋果日報
由41歲凍齡美魔女崔智友夥拍朱鎮模、全慧彬同埋李準主演嘅MBC新劇《拖旅行箱的女人》將於下周一首播,今日佢哋就現身新劇記者會。
今日友姐就密實登場,着上外套西褲現身,佢同朱鎮模合照時就默挈十足,佢哋兩個0依家都係單身,雖然之前朱鎮模曾經同大陸女星張儷傳出緋聞,不過佢就否認戀情,而友姐之前亦同都李瑞鎮傳過緋聞,不過緋聞最後又不了了之,而佢哋今日表現合拍,加上日對夜對關係,唔知會唔會喺劇外有進一步發展呢?
至於已經41歲嘅友姐一向保養得宜,不過佢今日現身記者會時,笑嘅時候就唔小心露出魚尾紋,不過呢啲都係歲月嘅痕跡,亦都唔怕晒。
另外,《拖旅行箱的女人》將於下周對撼《雲畫的月光》,朱鎮模就對劇集有信心,亦覺得大家會捧佢同友姐場。
41歲嘅友姐保養得唔錯
不過一笑就魚尾紋暴現
同朱鎮模好襯
新劇下周一首播
全站熱搜
留言列表